Hannarr ehf hefur áratuga reynslu í gerð kostnaðaráætlana og til okkar leita opinberir aðilar, verktakar og einstaklingar vegna kostnaðaráætlana, tilboðs- og útboðsgerðar. Verkefnin hafa verið stór og smá og af ýmsum toga, nýbyggingar, breytingar og viðhaldsverkefni ofl. Iðulega er þessum áætlunum fylgt eftir með útboðum og aðstoð við framkvæmdirnar.

Tilboð Hannarrs hafa legið að meðaltali:

• 1.50% undir kostnaðaráætlunum
• 13,80% lægri heldur en hæstu tilboð
• 19,00% hærri en lægstu tilboð
• 4,00% lægri en meðaltal hæstu og lægstu tilboða

Reglulega er safnað tölum yfir útkomu úr þeim tilboðum sem Hannarr gerir fyrir verktaka, en í þeim er stuðst við verð í Byggingarverðskrá Hannarrs.  Með því að bera saman þessar tölur og kostnaðaráætlun viðkomandi verks og tölur annarra bjóðenda fæst tékkun á því hvernig einingarverðin í Byggingarlyklinum endurspegla þau verð sem er verið að nota á markaðnum á hverjum tíma.

Af þessum 135 verkum hafa aðilar sem Hannarr hefur reiknað fyrir verið lægst í 26% tilvika, eða í 35 verk.
Alls hafa verið lögð fram um 900 tilboð í þessi verk og fyrirtæki sem Hannarr reiknaði fyrir átt 35 af þeim tilboðum.  Þetta sýnir að meðaltali 11% árangur annarra en Hannarrs fyrirtækjanna.  Þessi samanburður sýnir að Hannarrs fyrirtækin hafi haft 2,4 sinnum meiri líkur á að ná þessum verkum en aðrir, að meðaltali. 

Út úr þessum tölum má einnig lesa að tilboð Hannarrs eru að meðaltali 1,5% undir kostnaðaráætlunum á meðan tilboð annarra lægstbjóðenda eru 15,7% undir kostnaðaráætlunum.  

Draga má þá ályktun út frá þessu að noti menn tölur Hannarrs þá skili tilboðsverkin um 17% betri afkomu en önnur tilboðsverk.  Rétt er að taka fram í þessu sambandi að tilboðsverkin sem vísað er til sem Hannarrs verk hafa farið í gegnum hefðbundið mat og endurspegla þannig ekki ómetin listaverð úr byggingarverðskrá Hannarrs.